Lirik Kreepeek - Opa Maniso
Lirik Kreepeek - Opa Maniso
[Hook]Opa maniso, suka cewe masoso
Biar so tua, jago basalto
Opa maniso, suka cewe mogaro
Sampe dirumah, Oma dusu deng sondo
Ini dia gambaran pergaulan
Ingin bebas tanpa peraturan
Orang tua pung sifat kanak-kanakkan
Biar so opa kalo kuat sama deng pranggang
Omas istilah jaman sekarang
Depe arti opa maniso jarang pulang
Pang baku malawang suka dunia malam
Oma dia kase tinggal di rumah cuma bakar ikang
Kong lebe sadis opa ini sama deng kelelawar
Siang tidor malam dia bapontar
Slalu mo stel rumah pakar-pakar
Dia so lupa depe gigi tinggal dua par
Hey mo stel bagaya dengan ala pasha
Calana kaki botol turung patah stengah
Biar oma so feto dia bekeng biasa
Nah, yang bagini tu capat maso neraka
[Hook]
Opa maniso, suka cewe masoso
Biar so tua, jago basalto
Opa maniso, suka cewe mogaro
Sampe dirumah, Oma dusu deng sondo
Maso cafe pesan bir satu pitcher
Atik pangko kaki suruh cewe mangker
Pulang rumah so ba jalang teler
Barapa lama oma toki deng leper lapis ember
Nyanda tobat-tobat mulai konsumsi obat
Bukan ampisilin tapi obat kuat
Supaya tahang lama deng tambah semangat
Cuma voor butterfly night
Wey opa so boleh tobat kiamat so dekat
Kulit so ba karat tulang kurang ika deng kawat
Sadiki leh malaikat somo babat
Catat opa p nama kong langsung barangkat
[Hook]
Opa maniso, suka cewe masoso
Biar so tua, jago basalto
Opa maniso, suka cewe mogaro
Sampe dirumah, Oma dusu deng sondo
Opa basuara
Kita dengar dari tadi ngoni bicara pa kita terus
Ngoni bilang kita p umur tinggal bonus
Kita p kehidupan jang ngoni urus
Bantar tre pa ngoni kita sirang deng cap tikus
Hidup ini indah sama di tanah biasa
Jang banya ceramah, opa da hidop sebelum ngana
Jang stel dewasa opa so lewat ngana p masa
Co lebe bae tong dua enjoy sama-sama
[Hook]
Opa maniso, suka cewe masoso
Biar so tua, jago basalto
Opa maniso, suka cewe mogaro
Sampe dirumah, Oma dusu deng sondo
Mo stel gaul kong minum banya-banya
Pulang rumah kong so muntah-muntah
Bobou bir deng tanda cupang amatir
Oma ba pikir brapa tu cewe pe ukuran bibir
Bibir so memble mo stel abg
Suka ba rayu maar jaga kukehe
Otot so padede angka barbel sore-sore
Depe laste rumah sakit pulang bale
Opa torang cuma mo kase saran
Kalo boleh opa sasadiki inga tuhan
Jang siang malam cuma ada di jalan
Nanti karma opa mo dapa damang goyang
Kong jang kase tinggal kasiang pa oma
Kalo so tua so musti baku jaga
Inga akang kasiang oma p cinta
Co lia cucu-cucu so mulai dewasa
[Hook]
Opa maniso, suka cewe masoso
Biar so tua, jago basalto
Opa maniso, suka cewe mogaro
Sampe dirumah, Oma dusu deng sondo
Situs ini tidak membagikan tautan Unduh MP3 dari lagu Kreepeek - Opa Maniso. Semua lirik lagu di situs web ini adalah hak cipta atau milik penulis, artis, band, dan label musik yang bersangkutan. semua materi yang terkandung di situs ini termasuk lirik lagunya hanya untuk tujuan promosi dan evaluasi.
Loading....